1,2,3笑！(微笑) 唔知道大家有冇同小編一樣有牙齒發黃嘅煩惱呢？每次影相需要笑嘅時候都只會微笑，唔敢露出牙齒笑，因為啲牙真係好黃>< 唔知道牙黃嘅原因係咪平時成日飲咖啡同埋茶， ~特別係呢幾年都要帶口罩，所以本身都無為意牙黃，直到睇翻啲相先發現自己棚黃牙好突出ಥ_ಥ 依家每次開口都好驚俾人笑啲牙好黃> < 牙一黃，揸咩唇膏都唔好睇:( 所以呢排我都努力搵緊快速美白牙齒嘅方法，希望牙齒白返之後可以有信心咁笑，唔使再驚牙黃^^ 等我都將我搵到有效美白牙齒嘅方法分享俾大家啦~
牙齒變黃的原因
係講解決方法之前，我哋梗係要先了解吓有咩因素會導致牙齒變黃，先可以避免加深牙黃呢個問題。
- 食物
其實唔同種類嘅食物都有機會導致牙齒變黃，最常見嘅就係咖喱、蕃茄醬，呢類食物入面都含有好多色素，好容易黐住牙齒嘅琺瑯質，令到牙齒變黃！所以建議食完呢啲深色食物都盡快去刷牙，避免色素停留喺牙齒上太耐，導致變黃。
- 飲品
另外就係最常忽視嘅飲品，好多人包括我每朝都會飲一杯咖啡，但你知唔知道其實咖啡係導致牙齒變黃嘅一大因素，仲有最常見嘅茶同酒都係，呢類深色嘅飲品會依附係牙齒表面，令到牙齒變色。所以成日聽到啲人話盡量用飲管去飲嘢，直接將飲料送到喉嚨唔接觸到牙齒。
- 吸煙
煙入面嘅尼古丁會喺牙齒表面留低一啲黃色或者啡色嘅污跡，而且好難清除，所以食煙嘅人嘅牙齒係特別黃嘅!!
解決牙黃的法寶
- 美白牙貼
相信好多人都有用過美白牙貼嚟解決牙黃嘅問題，市面上有好多美白牙貼都聲稱一次就可以將牙齒變白幾度。小編都有用過幾次，係幾方便，只要貼夠時間，就會見到牙齒的確係有白咗，但用咗幾次之後發現牙齒敏感左，用嘅過程仲會有啲牙齒酸痛嘅感覺，上網睇吓原來係因為某啲牙貼入面嘅過氧化氫濃度太高，會好容易導致牙齒敏感，所以我嗰時都即刻停用咗> < 大家用嘅時候都要睇清楚成份同使用時間啊！
- 美白牙膏
使用美白牙膏都係好多人用嚟美白牙齒嘅方法之一，因為平價又可以日日用，但係你知唔知道原來一啲化學性嘅美白牙膏有機會加咗過多嘅過氧化物，雖然可以美白，但日日用都有機會刺激牙齒，傷害牙釉質、導致牙齒敏感/脆弱等反應嘅~同埋需要長啲時間先會見到美白效果，所以大家都要自己恆量啱唔啱用啊！
- 牙齒美白療程
仲有一樣解決牙黃辦法就係藍光美白漂牙療程，由專業嘅牙醫幫我哋係牙齒上搽上保護劑同適量嘅漂白劑，再用高強度嘅藍光去照射牙齒，幫牙齒去除深層色素，消滅黃牙。而且藍光漂牙嘅效果又快又明顯，通常都可以白幾度，加上做一次嘅效果就可以維持至少1年，又有專業醫生睇住，比起自己做會安全好多！始終牙齒係會跟我哋成世，個人覺得揾專業嘅醫生做會有保障啲～
唔想再因為牙黃而尷尬，就要勤力啲清潔牙齒，雖然市面嘅美白牙膏、牙貼同藍光美白漂牙療程都可以幫到你，但都要避免食咁多深色嘅食物，以免牙齒再次染上深色素變黃啊！
留言列表
